Нєшка почина Лєтня школа руского язика

автор зам; фото: сап
1.7k Опатрене

ПОПРАД (СЛОВАЦКА) – Нєшка рано трицецеро школяре з наших местох одпутовали до Попраду, до Словацкей, дзе почина Лєтня школя руского язика Одбору за образованє Националного совиту (НС) Руснацох, а тирва по 24. юлий. То други раз же ше Лєтню школу за наших школярох орґанизує у Попрадзе.

На Лєтнєй школи участвую школяре ОШ з местох дзе порядна настава по руски и школяре дзе ше наставу руского язика виучує як виборни предмет, а котри през рок посцигли замерковани резултати на змаганьох и у ученю. На Лєтнєй школи участвую школяре зоз шицких наших местох, крем зоз Сримскей Митровици.

Домашнї Лєтнєй школи Штредня школа у Попрадзе (хторей директор Василь Кузмяк) и хтора нашим школяром обезпечела змесценє у тамтейшим интернату.

На Лєтнєй школи руски язик преподаваю Сенка Бенчик и Каролина Папуґа, историю  Иван Канюх, ґеоґрафию Дарко Бобаль, виронауку о. Владимир Еделински Миколка и музику Сашо Палєнкаш. Попри преподавательох, на Лєтней школи буду и предсидатель Вивершного одбору НС Желько Ковач и директор Заводу за културу войводянских Руснацох Серґей Тамаш.

За отримованє Лєтнєй школи НС Руснацох, односно його Одбор за образованє, опредзелєл 250 000 динари.

(На фотоґрафиї учашнїки прешлорочней Лєтнєй школи, тиж у Попрадзе, у Словацкей).

ПОВЯЗАНИ ТЕКСТИ