РУСКИ КЕРЕСТУР – У керестурскей парохиї св. оца Миколая нєшка Вилїя, з хтору ше вирни, у строгим посце, пририхтую за преславйованє Крачуна.
У Катедралней церкви нєшка на 8 годзин будзе Служба Божа Василия Велького, на 17 годзин пацери означа початок вилїйовей вечери у домох вирних, а дзеци буду ходзиц по шпиваню и винчованю, явяц вистку народзеня Исуса Христа.
Нєшка на 23 годзин у Катедралней церкви будзе крачунске Всеночне, хторе будзе предводзиц преосвящени владика Георгий, з домашнїма священїками. На ютре, на Перши дзень Крачуна, владика на 10 годзин будзе предводзиц и Архиєрейску Службу Божу, а служби ютре буду и на 8 и 17 годзин.
На ютре – на Други дзень Рождества Христового, богослуженя буду на 8, 10 и 17 годзин, а на 18 годзин будзе и традицийни Крачунски концерт у Велькей сали Дому култури.