Нєшка приказ роботи, опреми и специялносцох Войска Сербиї

автор зам  фото вев
1.1k Опатрене

НОВИ САД – З нагоди 23. октобра, Дня ошлєбодзеня Нового Саду у Другей шветовей войни, нєшка, 22. октобра на 12 годзин на Беоґрадским кею у Новим Садзе будзе отримани приказ роботи, опреми и специялносцох припаднїкох Министерства одбрани и Войска Сербиї.

На шветочносци у статичним и динамичним приказу участвую коло 700 припаднїки Войска Сербиї, а будзе представене и нове наоружанє и воєна опрема – сообщело Министерство одбрани.

На тим приказу часци оперативних способносцох участвую припаднїки Специялней бриґади, Ричней флотили, Воєного воздухоплївства и Процивоздушней одбрани, Ґарди и других єдинкох Войска Сербиї. У статичней часци буду приказани 40 средства, а 32 у моторизованим ешалону. Тиж участвую и 20 плївни обєкти Ричней флотили и 20 лєтадла Войска Сербиї.

Вчера пополадню у Новим Садзе бул и променадни дефиле Ґарди Воска Сербиї и Воєней оркестри, а на Площи шлєбоди и атрактивни еґзерцир Ґарди и приказ борбох Специялней бриґади.

У рамикох Дня ошлєбодзеня, у Новим Садзе нєшка будзе отримана и заєднїцка схадзка Покраїнскей и Влади Републики Сербиї.

ПОВЯЗАНИ ТЕКСТИ