РУСКИ КЕРЕСТУР – Дзешати „Поетски нїтки Меланиї Павлович” нєшка почню з програму у Библиотеки у Руским Керестуре, дзе предвидзене и 5. додзельованє припознаньох. Програма будзе у Замку на 13 годзин, а орґанизує ю Дружтво за руски язик, литературу и културу, його Секция у Руским Керестуре.
У першей часци програми школски дзеци буду интерпретовац поезию и прозу Меланиї Павлович, а найвреднєйши читаче Библиотеки и школяре ОШ „Петро Кузмяк” достаню припознанє з єй меном.
Друга часц пошвецена уручованю припознаньох, та так Дружтво нашим наставнїком и просвитним роботнїком додзелї Припознанє „Осиф Фа, учитель”, популаризатором руского скарбу и музичней творчосци Припознанє „Витомир Бодянец”, новинарим и редактором Припознанє „Владимир Мирко Ґаднянски”, а ґлумцом, режисером и театралним творительом Припознанє „Микола Скубан”.