НОВИ САД – У Заводзе за културу войводянских Руснацох (ВР) нєшка, 5. октобра, на 12 г. будзе отримана промоция кнїжки Штефана Гудака „Вини и зради”, преложеней на українски язик.
Збирку приповедкох „Вини и зради” Штефана Гудака на українски язик преложела Вира Бродович, у рамикох проєкту Заводу за културу ВР запровадзеного прешлого року, по хторим ше виданя руских писательох преклада на шветово язики. Иста кнїжка 2003. року преложена и на сербски язик, теди у виданю НВУ „Руске слово”.
Як наявене, на нєшкайшим представяню кнїжки буду бешедовац академик Юлиян Тамаш, Ирина Гарди Ковачевич и Микола Шанта.