ВЕРБАС – У просторийох КПД „Карпати” у Вербаше нєшка будзе порядна рочна Скупштина Рускей матки (РМ). Схадзка почнє на 15 годзин.
На дньовим шоре розпатранє Звиту о роботи РМ у 2014. року, та звитох о роботи месних, Городского и Реґионалного одбору Матки, тиж и финансийних звитох, а будзе принєшени и План роботи РМ за тот рок як цалей орґанизациї, так и спомнутих одборох по местох.
На Скупштини будзе бешедованє и о означованю 25-рочнїци Рускей матки концом того рока, та о пририхтованьох за Тринасти Шветови конґрес Руснацох/Русинох/Лемкох и Седми Шветови форум русинскей младежи, хтори у юнию того року буду у Румуниї, у Деви.