РУСКИ КЕРЕСТУР – У Школи „Петро Кузмя” нєшка ше отримує Семинар за просвитних роботнїкох на тему „Дїялносц Руского народного просвитного дружтва”, хтори орґанизує Оддзелєнє за русинистику Филозофского факултету з Нового Саду.
Семинар спада до акредитованей програми фахового усовершованя хтору одобрел Педаґоґийни завод Войводини. Наменєни є насампредз наставнїком руского язика (з елементами националней култури) и наставнїком историї, алє и наставнїком дружтвених профилох, та подобовей и музичней култури зоз трох наших школох з порядну наставу на руским язику
У орґанизациї и финансованю Семинара участвує и Одбор за образованє нашого Националного совиту.