РУСКИ КЕРЕСТУР – У складзе з нєдавно прилапеним ребалансом буджету Општини Кула, на нєшкайшей схадзки Совиту Месней заєднїци (МЗ) Руски Керестур предвидзене прилапйованє финансийного плану МЗ за тот рок, як и вименки Плану явних набавкох, тиж у складзе з ребалансом општинского буджету.
Члени Совиту на нєшкайшей схадзки буду бешедовац и о предкладаньох плану приходох и розходох МЗ за идуци рок, будзе слова о пририхтованю за збор гражданох, як и о ушорйованю и квеценю центру Керестура пред децемберскима шветами и Новим роком.