НОВИ ПАЗАР – У Главней канцелариї Националного совиту Бошнякох у Новим Пазаре нєшка, 13. юлия, будзе отримана схадзка Координациї националних совитох (НС) националних меншинох Сербиї. Од нєдавна представитель НС Бошнякох предшедує з Координацию НС-ох.
Як предложене, на дньовим шоре заберанє становиска Координациї НС-ох коло упитнїка ОЕБС-у и Беоґрадского центру за людски и меншински права з назву „Национални совити националних меншинох: анализа правного рамика”, як часц проєкту потримовки державним орґаном у процесу вименкох меншинского законодавства.
На дньовим шоре и розпатранє звиту о стану у образованю на язикох националних меншинох, з предкладаньом потребних мирох.
Спред НС Руснацох на нєшкайшей схадзки Координациї НС-ох у Новим Пазаре присуствую предсидатель Вивершного одбору НС Желько Ковач и предсидателька Одбору за Образованє НС Мелания Римар.