РУСКИ КЕРЕСТУР – На другей порядней схадзки Одбору за образованє Националного совиту (НС) Руснацох, хтора нєшка на 16 годзин будзе отримана у просторийох Совиту у Руским Керестуре, будзе слова о семинарe за просвитних роботнїкох, орґанизованю стретнуца предшколских дзецох, та о руским оддзелєню першей класи ОШ у Коцуре.
На дньовим шоре и догварка о купованю учебнїкох за предшколски дзеци у Новим Садзе, о орґанизованим приходу школярох з наших местох на провадзенє представох за дзеци на тогорочним Драмским мемориялє, як и о орґанизованю Лєтнєй школи за руских школярох.