Нєшка схадзка Скупштини АПВ

автор сен
846 Опатрене

НОВИ САД – На дньовим шоре нєшкайшей, штвартей по шоре схадзки Скупштини Автономней покраїни Войводини (АПВ) у новим зволаню – 21 точка, а медзи нїма вибор заменїкох покраїнских секретарох, закончуюци рахунок буджету за 2015. рок и звит о витвореню скупштинскей одлуки о буджету за 2015. рок.

Звит Покраїнского защитнїка гражданох-омбудсмана за 2015. рок тиж на дньовим шоре нєшкайшей схадзки, як и звити о дїлованю Фонду за капитални укладаня АПВ у 2013. и 2014. року, Ґаранцийного фонду, Фонду „Европски роботи“, Фонду за потримовку инвестицийом у Войводини „Vojvodina investment promotion-VIP“, Явного подприємства (ЯП) „Войводиналєси“ Петроварадин, та ЯП „Заводу за урбанизем Войводини“ за 2015. рок.

Буду розпатрани и звити о роботи Педаґоґийного заводу Войводини, Покраїнского заводу за спорт и медицину спорту, Покраїнского заводу за ровноправносц полох и Туристичней орґанизациї Войводини за 2015. рок.

Кадрово пременки тиж на дньовим шоре нєшкайшей схадзки, та буду розришени предсидатель, члени и секретаре Покраїнскей виберанковей комисиї и їх заменїки и меновани нови. Буду вибрани и члени Покраїнского совиту за безпечносц, предсидателє и члени одборох Скупштини АПВ, та заменїк Покраїнского защитнїка гражданох-омбудсмана за ровноправносц полох.

ПОВЯЗАНИ ТЕКСТИ