КУЛА – На нєшкайшей схадзки Скупштини општини Кула мала би буц принєшена Одлуку о утвердзованю Дня Општини, як и о утвердзованю и означованю назвох местох, улїцох, площох и способе утвердзованя хижних числох и означованю будинкох у кулскей општини.
Медзи 15 точками дньового шору нєшкайшей схадзки СО Кула, хтора почнє на 10 г., и даванє согласносцох на статути комуналних и явних подприємствох, та розпатранє звитох о роботи у прешлим и планох роботи за тот рок Штабу за позарядово ситуациї Општини, Червеного крижу, Дому здравя, Центру за социялну роботу и Дому за старих, за часци хтори ше одноша на финансованє з општинского буджету спомнутих орґанизацийох и установох.
Одборнїки би мали дац и согласносц на хаснованє мена Општини Кула у назви „Союз спортох Општини Кула” у снованю, будзе розпатрана инициятива за снованє Интеґрованого универзитету у Зомборе, а на дньовим шоре наявени и вибор єдного члена Општинскей ради Кула.