НОВИ САД – Схадзка Управного одбору Дружтва за руски язик, литературу и културу у преширеним составе будзе отримана нєшка на 11 годзин у просторийох Заводу за културу войводянских Руснацох.
У першей часци схадзки будзе представене 3. и 4. число мултиязичного часописа „Нови мост” зоз 2019. року.
На дньовим шоре у другей часци будзе ше розпатрац активносци Дружтва медзи двома схадзками, Финансийни звит за 2019. рок и предкладанє програми розвою и дїялносци Дружтва од 2020–2030. рок.
Попри тих точкох, на схадзки будзе предложена програма означованя 50 рокох од снованя Дружтва, як и конкурси за финансийни средства.
У трецей часци будзе вистава дзецинских подобових роботох зоз Конкурсу Миколи М. Кочиша.