ВЕРБАС – У просторийох КПД „Карпати” у Вербаше нєшка, 8. априла, будзе отримана порядна схадзка Управного одбору (УО) Рускей матки (РМ), на хторей предвидзена анализа актуалного стану у славянских маткох у Войводини, односно Сербиї, а на дньовим шоре и розпатранє звитох о роботи за прешли и планох роботи за тот рок месних одборох Матки у Вербаше и Кули.
Члени УО нєшка буду бешедовац и о кандидатови Матки за Награду „Василь Турок Гетеш” Шветовей ради Русинох/Руснацох/Лемкох за тот рок, а будзе винєшена и информация о приявох РМ на конкурси Министерства култури и информованя и Покраїнского секретарияту за културу и явне информованє.
Нєшкайша схадзка УО РМ у Вербаше будзе на 18,30 годзин.