БЕОҐРАД – У рамикох манифестациї Днї рускей култури у Етноґрафским музею у Беоґрадзе нєшка, 23. авґуста, будзе представена Моноґрафия „Танци бачко-сримских Руснацох”, а аматере прикажу свадзебни обичаї.
О Моноґрафиї „Танци бачко-сримских Руснацох” буду бешедовац хореоґрафе Йоаким Рац, Микола Ґубаш и Звонко Костелник, а свадзебни обичаї Руснацох прикажу члени КУД „Жатва” з Коцура. У музично-фолклорней часци участвую члени КПД „Карпати” з Вербасу и ансамбл Дому култури Руски Керестур.
Програма будзе отримана у атриюму Етноґрафского музею на 18 годзин. Шицки програми тей манифестациї орґанизує Завод за културу войводянских Руснацох.
Информацию о других програмох котри буду отримани у рамикох манифестациї Днї рускей култури можеце пречитац ту.