РУСКИ КЕРЕСТУР – У нашей парохиї св. оца Миколая у Руским Керестуре нєшка, 9. мая, Кирбай нашей катедралней церкви. Дзень керестурскей церкви пошвецени преношеню мощох св. Миколая з Мири у Малей Азиї до Барию у Италиї, хтори пренєшени 9. мая 1087. року.
Вчера вечар пред Кирбайом служене Всеночне, нєшка Ранша Служба Божа на 8, а Архиєрейска, хтору будзе служиц наш владика Герогий, на 10 годзин. У церкви на Кирбай обчекую и приход священїкох з других наших парохийох, а Керестурци госцох.
По Служби будзе одпустови обход коло церкви з читаньом Євангелийох, а на керестурски Кирбай вше богата и вашарска часц вонконцом Русинскей улїци спрам Косанчичу, хтора пре тото нєшка будзе заварта за транспорт.