НОВИ САД – Нєшка, 7. октобра, у Заводзе за културу войводянских Руснацох (ЗКВР) у Новим Садзе (Футожска 2/3), на 13 годзин будзе отворена вистава „Приватни живот Руснацох у 19. и початком 20. вику през приватни документи”, автора архивисту Сашу Сабадоша.
Вистави през седем сеґменти – каждодньови живот, школованє, войско, финансиї, польопривреда, ремеселнїцтво и вирски живот – провадзи живот Руснацох у Бачкей, Сриме и Славониї у спомнутим периодзе, хтори представени прейґ рижних документох и других експонатох.
Виставу провадзи и окремни Каталоґ автора вистави, у рецензиї музейней совитнїци Любици Отич, а у виданю орґанизатора вистави – Заводу за културу войводянских Руснацох.