НОВИ САД – У Ґалериї Союзу здруженьох подобових уметнїкох Войводини у Новим Садзе (Булевар Михайла Пупина 9) нєшка, 30. мая, будзе отворена 53. самостойна вистава нашого познатого подобового уметнїка Владу Нярадия з Вербасу.
Отверанє вистави з циклусу „Карпатски мит” будзе на 20 годзин, а буду представени Нярадийово найлєпши роботи, медзи нїма и малюнки хтори перши раз буду представени публики.
Вистава роботох Владу Нярадия у спомнутей Ґалериї будзе тирвац по 11. юний.