ВЕРБАС – У просторийох КПД „Карпати” у Вербаше нєшка будзе Пияти Фестивал хорского шпиваня „Хорски фестивал Карпати”, на хторим наступя седем хори – штири нашо и три госцуюци.
На Фестивалє, хтори у Календаре репрезентативних манифестацийох Руснацох Националного совиту, наступя нашо хори „Розанов” з Дюрдьова, „Гармония” з Нового Саду, Мишани Хор Дому култури и Катедралней церкви св. о Миколая з Руского Керестура и домашнї Хор КПД „Карпати”.
Госци Фестивалу камерни хори „Аґапе” и „Класика нова”, обидва з Нового Саду, як и Хор „Бачки шпиваче” з Вербасу.
Програма почнє на 19 годзин, а Фестивал потримую Национални совит Руснацох, Општина Вербас, Министерство култури и информованя Републики Сербиї и Покраїнски секретарият за културу и явне информованє АП Войводини.