РУСКИ КЕРЕСТУР – У парохиї св. оца Миколая у Руским Керестуре нєшка припада швето Трох святительох – св. Василия Велького, Григория Богослова и Йоана Златоустого.
Шицки троме жили у штвартим вику и були познати по своїм глїбоким християнским живоце, образованю и наказованю, а їх обєдинєне теолоґийне ученє означело Церкву восточного обряду 11. вику, кеди им утвердзене и заєднїцке швето.
Швето Трох святительох керестурски парохиянє означа на Службох Божих на 8, 10 и 17 годзин.
У керестурскей парохиї, на пондзелок 2. фебруара припада швето Стритениє Господнє, а означованє швета почнє внєдзелю на 18 годзин зоз Всеночним у Катедралней церкви. На сам дзень швета служби буду 8, 10 и 17 годзин.
Швето Стритениє Господнє памятка на подїю кед ше з Исусом, котрого родичи як дзецочко однєсли до храму, стретли старик Симеон и пророчица Ана, котри у нїм препознали чеканого Спасителя, а Мариї предрекли боляци подїї з єй сином.