СЕРБИЯ/НОВИ САД – Нєшка у Сербиї школске швето Святи Сава, хторе як школска слава установене ище 1840. року на чесц Святого Сави, першого сербского архиепископа, просветителя, зачатнїка правних и духовних слупох державносци, снователя першого шпиталю у держави, зачатнїка сербскей штредньовиковней литератури и хранителя просвитних установох.
З нагоди нєшкайшей школскей слави, Покраїнски секретар за образованє, предписаня, управу и национални меншини-заєднїци Михаль Нїлаш шицким школяром и занятим у образовних установох повинчовал швето.
Здогадуюци на значносц св. Сави, Нїлаш школяром и просвитним роботнїком пожадал же би поєдинци, установи и одвичательни орґани ишли по драги найлєпших у просвитительстве, визначуюци же унапредзованє образованя єден з найважнєйших аспектох за посцигованє особного, професийного и дружтвеного просперитету.