Нєшка 35-рочнїца снованя ИПЦ „Кула”

автор зам
987 Опатрене

КУЛА – Нєшка, 4. юлия, 35 роки як основани Информативно-пропаґандни центер (ИПЦ) „Кула” у Кули, так же 4. юлий и Дзень радия и новинох „Кулска комуна” тей информативней хижи.

Ювилею пошвецене и остатнє число новинох „Кулска комуна” (вишло 25. юния), у хторих наглашене же 4. юлия 1980. року, на инициятиву Михайла Катону з Руского Керестура, тедишнього предсидателя Општинского комитету СК, Општинска конференция Социялистичного союзу роботного народу принєсла одлуку о порушованю новинох „Кулска комуна” и снованю ИПЦ „Кула”.

До составу ИПЦ вошол и „Радио Кула”, хтори до теди робел у составе Радио-станїци „Кула-Вербас”.

Програмна концепция у обидвох глашнїкох од початку витворйована по сербски, руски и по мадярски, познєйше и по українски и нємецки, як то и тераз. Як визначую новинаре у ИПЦ, од першого числа и емисиї, основне опредзелєнє Редакциї було обєктивне информованє, а так то и нєшка.

ИПЦ до ювилею уходзи з ище єдним пробованьом приватизациї, з назадаваньом же вона тераз будзе успишнєйша од першей, понеже бувши власнїк цалосни трошки приватизациї теди преруцел на занятих. Праве з їх закладаньом, часто и на свою чкоду, занятим у Центре ше удало вимириц шицки обовязки.

 

ПОВЯЗАНИ ТЕКСТИ