РУСКИ КЕРЕСТУР – Коло петнац вирних стретло ше пияток, 5. юния, у Каритасовей сали зоз шестру Михаилу на „Позитивней минути”, а тема стретнуца були „Стаємни и пременлїви збуваня у Церкви”.
Тото стретнуце представя роздумованя котри дзеля шестра и вирни керестурскей парохиї. Як длугорочни катехета, ш. Михаила пояшнєла вирним цо шицко стаємне, а цо пременлїве у Церкви, здогадла на Седем Святи Тайни, почитованє Исуса Христа у Пресвятей Евхаристиї каждого першого пиятку, аж и заохоцела вирних на тоту, у Керестуре покус забуту побожносц.
Стретнуце закончене зоз поставяньом питаньох и медзисобним дзелєньом искуствох присутних.
Нове стретнуце заказане за 17. юлий, провадзаци препорученя ситуациї зоз иснуюцу епидемию.