БЕОҐРАД – Як штварток виявел директор Продуктней берзи у Новим Садзе Жарко Ґалетин, нє предвидзене же того року Републична дирекция за робни резерви будзе одкупйовац жито, бо го єст досц у маґазинох.
Вон аґенциї Бета гварел же цена жита тогорочного урожаю на берзи була коло 16 динари за килограм, без ПДВ, алє и же пада пред конєц жатви.
Як гварел, кед же ше держава зяви як одкупйовач жита, вона одрдзи тарґовищну цену.
Директор „Житох Сербиї” Вукосав Сакович виявел же того року у державним буджету нє предвидзени средства за одкуп жита, бо держава ма солидни резерви тей житарки. Додал же держава анї прешлого року нє одкупйовала жито.
Министерка польопривреди Снежана Боґосавлєвич Бошкович исти дзень гварела же тогорочни урожай жита будзе пейц тони по гектаре, будзе випродуковане вецей як три милиони тони, та милион и пол тони жита останє за вивоз.