БЕОҐРАД – Влада Сербиї нє прилапела анї єден амандман посланїкох на предложени закон о дочасовим ушорйованю способу наплацованя такси за явни медийски сервис, так же такса за РТС и РТВ найвироятнєйше будзе 150 динари и будзе ше ю наплацовац прeйґ рахунку за струю.
Становиско о нєприлапйованю анї єдного амандману потримал и скупштински Одбор за културу и информованє на вчерайшей схадзки.
Од 1. януара по 31. децембер идуцого року явни медийски сервиси часточно буду финансовани з буджету Сербиї, а часточно з такси.
Средства од такси на подручу Сербиї звонка Войводини буду уплацовани за РТС, а 70 одсто пенєжу з териториї Войводини будзе исц за РТВ и 30 одсто за РТС.