НОВИ САД – У Штреднєй технїчней школи „Милева Марич Айнштайн” у Новим Садзе всоботу, 17. октобра, отримана пригодна програма у рамикох 9. „Поетских нїткох Меланиї Павлович”, рускей поетеси и писательки. Програма отримана на школскей годзини за штредньошколцох, хтору у спомнутей школи трима абсолвентка руского язика Ванеса Медєши.
Спред орґанизатора „Нїткох” – Дружтва за руски язик, литературу и културу, школяром о Меланиї Павлович бешедовала и Ирина Папуґа.
Програма тогорочних „Поетских нїткох Меланиї Павлович” уж отримана у Руским Керестуре, а будзе ище у Бачинцох и Коцуре.
Як гварела Папуґова, Дружтво подзелєло вецей припознаня з меном Меланиї Павлович, а попри школярох и других, медзи добитнїками и НВУ „Руске слово”.