КОЦУР – Предходних дньох у Коцуре ЯКП „Комуналєц” зоз Вербасу окончело обнову драгох. Як Рутенпрес дознава од одвичательних зоз Месней заєднїци Коцур, то у компетенциї того подприємства з Вербасу. Зоз МЗ послали обвисценє на хторих драгох потребни роботи.
Найочкодованши драги у Коцуре були у улїчки Ошлєбодзеня од центру валала ґу улїчки Иси Секицкого, и драга у улїчки Исе Секицкого котра водзи коло стадиону ФК „Искра”. Асфалт на тих драгох бул барз очкодовани, и числени дзири загрожовали транспорт.
Зоз МЗ Коцур информую же обнова очкодованих драгох планована и надалєй, а тих дньох треба же би почали роботи на драги Коцур–Вербас.