БЕОҐРАД – З прилапйованьом Акцийного плану за витворйованє правох националних меншинох Сербия заокружела свойо стратеґийне опредзелєнє за унаредзованє институционалного и законодавного рамику у обласци людских и меншинских правох и шлєбодох, виявела директорка Канцелариї за людски и меншински права Сузана Паунович.
Акцийни план прилапени 3. марца 2016. року и предвидзує же його витворйованє будзе провадзиц Совит за национални меншини.
На схадзки, на хторей представена методолоґия за провадзенє витворйованя Акцийного плану, Пауновичова гварела же при виробку методолоґиї вжати до огляду и предкладаня националних совитох националних меншинох, а обчекує ше же вони буду активно участвовац и у наиходзацих фазох запровадзованя планованих активносцох.