НОВИ САД/РУСКИ КЕРЕСТУР – Пре позарядови стан Новинско-видавательна установа „Руске слово” и надалєй прима оглашки и ин мемориями прейґ телефона, а уплати за нїх прейґ рахунка. Шлїдуюце число новинох, 16. у тим року, видзе 24. априла.
Число рахунка на котри треба уплацовац: 160-923244-82 (Банка Интеза). Текст оглашкох посилац по имейлу informator@ruskeslovo.com, або видиктировац на телефон 066 202 414 од пондзелку по пияток, од 9 до 15 годзин (остатнї рок за обявйованє оглашкох и ин мемориямох у новинох „Руске слово” стреду по 10 годзин).
Причина таких мирох – рестрикциї рушаня гражданох, окреме старших особох, котри предвидзела Република Сербия. Надпоминаме же у плану же би шицки виданя НВУ „Руске слово”, тижньово новини, часописи, новини и кнїжки виходзели поряднє. Може буц лєм очежана дистрибуция, односно новини и часописи можу сциговац зоз (векшим або меншим) запожнєньом.
Найоперативнєйше информованє рускоязичних гражданох окончує ше прейґ новинскей аґенциї „Рутенпрес”, котра на сайту „Руского слова”.