РУСКИ КЕРЕСТУР – Вчера дополадня члени Церковного одбору керестурскей парохиї, на чолє з предсидательом Юлияном Фейдийом, и дзепоєдни парохиянє попораєли церковну порту нашей Катедралней церкви св. о. Миколая.
Красна хвиля за децембер оможлївела позберац вельке количество нападаного лїсца, у порти, конари и остатки будовательного материялу по нєдавних роботох на турнї Катедралней церкви.
Порта попораєна и пред наступнима шветами – Миколая и Крачуном.