ЖАБЕЛЬ – Комисия за додзельованє средствох Општини Жабель обявела лїстину проєктох и програмох културно-уметнїцких дружтвох и здруженьох хтори буду финансовани, лєбо софинансовани у тим року, а на основи явного конкурсу Општини. Опредзелєни средства вєдно виноша 820 000 тисячи динари и розподзелєни су на 9 обласци.
У обласци руралного розвою Здруженю женох „Олория” з Дюрдьова опредзелєни 50 000 динари, а Еколоґийному здруженю „Баґрен били” з Ґосподїнцох 30 000 динари.
Комисия на терашнїм конкурсу вибрала и проєкти з обласци култури хтори буду реализовани у першей половки рока, док проєкти хтори маю буц витворени у другей половки буду познєйше розпатрани и до општинского буджету войду по його ребалансу.