НОВИ САД – У Влади АП Войводини вчера, 16. януара, отримана перша Роботна схадзка на хторей участвовали представителє нововибраних националних совитох националних меншинох у АП Войводини, медзи котрима и предсидатель Националного совиту Руснацох Борислав Сакач. Домашнї сходу бул покраїнски секретар за образованє, предписаня, управу и национални меншини-национални заєднїци Михаль Нїлаш.
На схадзки було бешеди о приоритетох будуцого сотруднїцтва, очуваню и моцнєню интересох меншинох у АП Войводини, а тиж так и о стратеґиї запровадзованя нових законских ришеньоххтори прилапени прешлого року. Слово о нових предписаньох Закону о националних совитох националних меншинох, Закону о защити правох и шлєбодох националних меншинох, Закону о службеним хаснованю язику и писма и Закону о матичних кнїжкох.
После прешлорочних виберанкох у АП Войводини єст седемнац национални совити: мадярски, словацки, румунски, руски, українски, горватски, бунєвацки, македонски, нємецки, чески, чарногорски, ашкалийски, єгипетски, ромски и гречески национални совит. Як предвидзене зоз покраїнского буджету за функционованє и активносци совитох видвоєне 60, 1 милион динари.