СЕРБИЯ – После вецей пребиваньох терминох, Сербия вчера цалком диґитализована, а з диґиталним сиґналом покрити 97,8 одсто жительох.
Министер туризму, тарґовини и телекомуникацийох Расим Ляїч гварел же закончене тото цо започате ище пред дзешец роками, кеди пущени перши, експериментални диґитални сиґнал, так же тераз гражданє котри ТВ патра прейґ антенох, коло 15 диґитални програми можу патриц прейґ сет-топ боксох, цо єдини трошок у диґитализациї.
Гоч на початку було оценєте же процес диґитализациї будзе коштац коло 100 милиони еври, випадло же вон Сербию коштал 30 милиони, а дзешец милиони донировала Европска уния.
Министер Ляїч гварел же ше з ошлєбодзену фреквенцию будзе робиц на розвою интернету и лєпшей покритосци з мобилну мрежу ширцом Сербиї.