БЕОҐРАД – Минимална цена роботней годзини од 1. януара будзе 130 динари, порадзене на схадзки Социо-економского совиту. На мешачним уровню роботнїки котри доставаю минималєц буду мац плацу векшу за коло 1 600 динари, преноша нашо медиї.
Социо-економски совит направел компромис, понеже роботодавателє предкладали 127 динари, а роботнїки, односно синдикати 145 динари за роботну годзину. На основи предкладаня Влади Сербиї, утвердзене же минимална цена роботней годзини будзе 130 динари, а министер за роботу, социялни и борецки питаня Александар Вулин гварел же то будзе значне звекшанє за роботнїкох котри на минималцу.
Оценює ше же у Сербиї за минималну плацу робя коло 350 000 роботнїки.