КУЛА/ВЕРБАС – Ресорне министерство тих дньох прилапело инициятиву предсидателя Општини Кула Драґана Трифуновича же би ше до новей єдинственей системи наплацованя драгарини за хаснованє авто-драги учишлєло и наплатну рампу у Вербаше, з хторей ше уключує на автодрагу Суботица-Нови Сад.
Так вожаче путнїцких автомобилох тераз за хаснованє автодраги од Вербасу по Нови Сад буду плациц 100 динари, а дотераз драгарина за тоту часц була 330 динари.
Як преноши веб-сайт Општини Кула, на истей схадзки достата и начална потримовка за вибудов часци державней драги Першого шору Србобран-Вербас-Кула-Зомбор, з краком у напряме Бездан-Батина, як вяза за коридор Ха – 7. Тот напрям учишлєни до Просторного плану Републики Сербиї.