Од нєшка „Днї театру у Вербаше 2016”

автор апм 
856 Опатрене

ВЕРБАС – Аматерски театер младих „Владимир Попович” и Културни центер Вербас други рок за шором орґанизую манифестацию „Днї театру у Вербаше 2016”, хтора почина нєшка, 1. априла.

Кажди пияток на 20 годзин у сали Биоскопу „Югославия” на програму будзе єдна представа седем аматерских театрох зоз Сербиї, а манифестацию нєшка отвори представа „Нє бав ше на Анґлийцох” Аматерского театру „Йовица Єлич” з Банатского Карадьордєва, у режиї Милана Мартиновича.

О тидзень, 8. априла, будзе госцовац Аматерски театер „Бранислав Нушич” з Малого Црничу, з представу ”Ревизор”, у режиї Дамяна Цицмиловича, а 15. априла мултиязична представа Заводу за културу войводянских Руснацох „Свадзба”, у режиї Лидиї Стеванович.

Манифестация „Днї театру у Вербаше 2016” будзе закончена 20. мая.

ПОВЯЗАНИ ТЕКСТИ