СЕРБИЯ – Тродньове покладанє закончуюцих испитох за школярох осмих класох почина нєшка и тирва до стреди. Нєшка школяре покладаю тест з мацеринского язика, ютре з математики, а на поютре комбиновани тест з историї, биолоґиї, ґеоґрафиї, физики и хемиї.
Того року закончуюци испит будзе ношиц найвецей 30 боди, а успих зоз школи будзе виношиц найвецей 70 боди.
За школски 2015/2016. рок зменшане число оддзелєньох у штиророчних школох хтори барз популарни, та число местох менше за даскельо тисячи. Як за Танюґ виявел министер просвити Срдян Вербич, то зробене же би ше популаризовало упис до ґимназийох и школох з ремеселнїцкима профилами. За шицких будзе места, понеже того року осму класу закончую коло 69 000 школяре, а у штреднїх школох єст коло 74 000 места.
Прелиминарни резултати тестох буду обявени 19., а конєчни 25. юния. Упис до штреднїх школох будзе 6. и 7. юлия.