СЕРБИЯ – По уредби Влади Републики Сербиї пре защиту од ширеня коронавирусу превжати мири з котрима забранєне рушанє шицким гражданом од нєшка од 17 годзин по пондзелок по 5 годзин рано.
Винїмок буду лєм особи заняти у службох чия робота нєобходна у позарядовим стану и пензионере котри нєшка рано од 4 по 7 годзин рано можу пойсц купиц потребну поживу, лєбо лїки.
Особи котри маю хижних любимцох годни их вивесц на швижи воздух и на соботу, и на нєдзелю од 8 до 10 годзин дополадня, як и кажди дзень од 23-01 годзину. Вонка ше нє шме остац длужей як двацец минути, а нє шме ше одисц далєй як 200 метери од обисца.