МИКЛОШЕВЦИ – У рамикох Дньох Општини Томповци, од 16. по 24. Май, буду облапени числени културно-спортски збуваня по шицких местох општини –Томповцох, Миклошевцох, Бокшичу и Берки.
Преслава почина зоз означованьом 60–рочнїци Добродзечного огньогасного дружтва у Бокшичу, а потим у Томповцох будзе Подобова колония. На нєдзелю пополадню у Томповцох ше отримує Смотра жридлового горватского фолклору “Томповски днї”.
Школяре Основней школи “Чаковци” на пондзелок и вовторок буду участвовац у проєкту “Млади у природи”, а на штварток школа означи свой Дзень, док у Томповцох после Служби Божей запланована шветочна схадзка Општинскей ради Општини Томповци.
На соботу у Миклошевцох буду отримани турнири у малим фодбалу, шаху и столним тенису за припаднїкох Здруженя учашнїкох Отечественей войни з подруча општини.
Остатнього дня, 24. Мая, Здруженє спортских рибарох “Лєняк” з Миклошевцох будзе домашнї 5. Мемориялу “Юлин Бучко” у лапаню рибох на дуґов.
Чаковски КУД “Петефи Шандор” орґанизує Дзецинску смотру Општини, док у Берки будзе закончуюца програма – тамбурови концерт составу “Сримци” и КУД–а “Зрински” з того места.