Од нєшка по нєдзелю у Ґосподїнцох Подобова колония „Стретнуце у Боднарова”

автор зам
800 Опатрене

ҐОСПОДЇНЦИ – У орґанизациї Дружтва за руски язик, литературу и културу, у Ґосподїнцох нєшка, 24. юлия пополадню почина 11. Колония подобових уметнїкох и 14. дзецинска колония „Стретнуце у Боднарова”, а будзе закончена на нєдзелю, 26. юлия.

Ютрейша робота  подобових уметнїкох на Колониї будзе од 9 до 21 годзин, цо будзе предлужене и на нєдзелю, кеди на 10,30 г. почнє и 14. Дзецинска подобова колония. Робота обидвох колонийох будзе у ОШ „Жарко Зренянин”.

 На нєдзелю, 26. юлия, на 12 г. у Ґалериї у просторийох Месней заєднїци Ґосподїнци будзе нащива вистави подобових роботох з прешлорочней Колониї, а на 14,30 г. будзе промоция Подобовей моноґрафиї „Стретнуце у Боднарова 2005-2014”, у виданю Дружтва за руски язик, литературу и кулуру.

 Колония будзе заварта на 16 г. з додзельованьом подзекованьох учашнїком, а тогорочне стретнуце визначних подобових уметнїкох и дзецох-подобових творительох пошвецене и 110-рочнїци народзеня Стевана Боднарова.

1-Kolonija-02

ПОВЯЗАНИ ТЕКСТИ