СЕРБИЯ – Струя од нєшка драгша за 3,8 одсто, сообщела Аґенция за енерґетику, а преноша нашо медиї, и гражданє штреднє буду плациц коло 550 динари вецей, у зависносци од мешачного трошеня струї и хторей обрахунковей тарифи припадаю.
Найменєй 500 динари вецей струю буду плациц гражданє котри войду до „червеней зони”, односно потроша вецей як 1 600 киловатгодзини, а тим котри шпоровнєйши, у истей зони струя будзе драгша за коло 300 динари (з ПДВ).
За трошительох у „белавей зони”, котри штреднє троша од 351 до 1 600 киловати струї, рахунок будзе векши за 280 дин. (з ПДВ), док подрагшенє найменєй обача трожителє у „желєней зони”, дзе подрагшенє будзе за коло 100 динари.
После подрагшеня, штредня цена за шицки ґаздовства, без порциї, акцизох и надополнєньох за обновююци жридла енерґиї, виноши 6,6 дин. за киловатгодзину, сообщела Аґенция за енерґетику.