СЕРБИЯ – Тарґовище з електричну енерґию будзе цалком отворене од 1. януара, так же гражданє годни сами виберац подмирйовача зоз струю. Пременка звекша конкурентносц у комерциялним секторе, алє ше обчекує и подрагшанє струї, сообщела Електропривреда Сербиї (ЕПС), а пренєсла Бета.
У Сербиї єст аж 84 подмирйовачох з лиценцу, з котрих активни 44, а лєм три подмирюю конєчних купцох. ЕПС „Подимрйованє” покрива 95 одсто хасновательох.
Кед заключа же им ше то баржей виплаци, гражданє струю годни куповац на шлєбодним тарґовищу, а можу остац и на явним подмирйованю. Пременка будзе безплатна, а цали поступок будзе кончиц подмирйовач, а нє купец.
Хаснователь котри жада пременїц подмирйовача муши перше вимириц длуства спрам ЕПС, а потим контактовац нового подмирйовача.