БЕОҐРАД – З окончованьом безплатних препатрункох и рижнима едукативнима програмами о значносци превентивних препатрункох, вчера, 20. марца, у Сербиї означени Дзень борби процив рака перши.
У нашей жеми рочнє реґистровани 4 100 нови случаї женох котри маю рижни форми малиґних туморох першох, а од тей хороти умераю штреднє 1 600 жени, указую податки Реґистру за рак Институту за явне здравє Сербиї „Др Милан Йованович Батут”.
Кажда жена може охориц од рака першох, а найлєпши способ за вчасне одкриванє то превентивни препатрунок, односно мамоґрафия, та порядне самопрепатранє першох. Министерство здравя 2012. року порушало Националну Програму вчасного одкриваня рака першох и основало Канцеларию за превенцию малиґних хоротох.