СЕРБИЯ – На ютре почина приявйованє за упис на факултети, а у академским 2015/16. року квоти буду исти як прешлого року. Найвецей буджетски места – 9 551 – достал Универзитет у Беоґрадзе, а як ище скорей наявене, АП Войводина у новим року будзе финансовац вєдно 5 270 бруцошох на студийних програмох основних, фахових, академских и интеґрованих студийох.
Як и скорейши роки, универзитети чуваю одредзене число местох за студентох з инвалидитетом, за припаднїкох ромскей националней меншини и за державянох Сербиї котри закончели штредню школу у иножемстве.
Понеже остатнї роки актуални студийни програми з обласцох информатики, рахункарства, информацийних технолоґийох, рахунководства и ревизиї, нагадує ше же вельки гужви буду на факултетох хтори маю тоти напрями.