ШИД – Явне комуналне подприємство „Стандард“ од 1. юлия будзе применьовац нови розпорядок одношеня шмеца зоз обисцох.
З рахунком за прешли мешац, хаснователє услуги достали и писмене обвисценє о новим розпорядку одношеня шмеца за кажду улїцу.
Як за Рутенпрес виявела Славица Сремац, директорка ЯКП „Стандард“, потерашнї розпорядок важел роками, а з нову пременку ше достанє ефикаснєйше одношенє шмеца и шпорованє горива.