Од 1. януара нови формулари у матичара

автор зам
817 Опатрене

КУЛА – За матичарох з кулскей, вербаскей и сербобранскей општини концом прешлого тижня у Скупштини општини Кула отримана обука о пременкох у статистичних формуларох.

Матичарох обучовали представителє Републичного заводу за статистику, зоз Сектору за статистику АП Войводини, а слово о тим же у формуларох странком будзе преширени круг питаньох о фактох о родзеню, винчаню, шмерци и розводзеню малженства.

Матичаром котри нєпоштредно робя на водзеню матичних кнїжкох подзелєни нови формулари за наступни три мешаци, та упутства за їх правилне виполньованє, понеже ше з нїма поряднє, односно рочно, зазберує медзинародно поровнуююци горе спомнути податки.

Нови формулари ше почнє применьовац од 1. януара 2015. року.

ПОВЯЗАНИ ТЕКСТИ