БЕОҐРАД – Нєшка почина явна розправа о новим закону о плацох, хтори би почал важиц 1. януара 2016. року. Нарис закона, медзи иншим, предвидзує же найменша плаца у явним секторе будзе 22 000, а найвекша 155 000 динари.
Будзе реґуловане обраховйованє плацох на шицких уровньох, та так основка за обрахунок плацох у локалних самоуправох нє шме буц векша од основки на републичним уровню.
За исту роботу, без огляду чи то роботне место у министерстве, державней аґенциї, лєбо институциї, будзе ше доставац исту плацу. Поведзме, шицки правнїки буду у истей катеґориї, та вецей нє будзе случаї же розлика у їх плацох 30 000 до 40 000 динари.
Закон предвидзує и же ше за роботу вноци, од 22 до 6 годзин, як и за прейґчасову роботу, занятому додава 26 одсто на цену роботней годзини. На кажду дополнююцу годзину роботи заняти достанє єдну шлєбодну годзину.
Додаток занятому котри у каждим моменту може буц поволани на роботу будзе 10 одсто вредносци роботней годзини. Занятим котри буду робиц на швета, будзе ше раховац додатни 110 одсто вредносци роботней годзини.