ВЕРБАС – У орґанизациї вербаского Городского музею и Добродзечного огньогасного дружтва (ДОД) „Вербас-1904”, стреду, 23. децембра у просторийох Музею отримана шветочносц и отворена вистава з нагоди 111. рочнїци ДОД.
У мено Културного центру Вербас и Музею нащивительох привитала руководителька Городского музею Весна Ґрґурович, котра визначела же вистава настала у сотруднїцтве з дзепоєднима институциями и музеями.
Авторе вистави „111 роки огньогаства у Вербаше” кустоси вербаского музею Павле Орбович и Боро Воїнович, а як визначел Орбович, вистава и окремни доказ же ДОД участвує у културним живоце Вербасу и дава му окремни печац.
З тей нагоди терашнї предсидатель Дружтва Иґор Ивич и почесни предсидатель Боро Мушикич подзелєли подзекованя, а виставу отворел началнїк Полицийней станїци Вербас Владо Ґлоджович, котри з тей нагоди наглашел три принципи добродзечного огньогаства – любов, гуманосц и традицию.
