Означена 180-рочнїца грекокатолїцкей парохиї у Петровцох

автор зам фото звк
942 Опатрене

ПЕТРОВЦИ (ГОРВАТСКА) – Внєдзелю, 2. октобра, у Петровцох преславена 180- рочнїци снованя грекокатолїцкей парохиї у тим месце, як и Кирбай хтори бул дзень пред тим, на швето Покрова Пресвятей Богородици – дознава Рутенпрес од Звонка Костелника з Петровцох, члена Совиту за национални меншини Републики Горватскей.

Вельки ювилей означени з Архиєрейску Службу Божу (на 11 г.) хтору предводзели владика крижевски Никола Кекич и апостолски еґзарх за грекокатолїкох у Сербиї, владика Георгий Джуджар, котри и наказовал.

З владиками сослужели дванац священїки з Горватскей, Сербиї и Босней и Герцеґовини, а шицких привитал домашнї парох о. Владимир Седлак.

Як нас информує Костелник, петровска церква Покрова Пресвятей Богородици була преполна з домашнїма вирнима, другима присутнима и госцами на Служби хтору предводзели спомнути владикове и священїки аж з трох державох, а таке число владикох и паноцох ище нє запаметане у Петровцох.

На Архиєрейскей Служби з нагоди 180-рочнїци парохиї и Кирбаю у Петровцох присуствовали и представителє општинских власцох, радох рускей националней меншини и културних здруженьох Руснацох у Горватскей.

ПОВЯЗАНИ ТЕКСТИ