НОВИ САД – З пригодну шветочносцу и рижнима активносцами пондзелок, 30. новембра, означени 61. рок постояня Филозофского факултету, хтори вєдно з Польопривредним, 1954. року бул перши факултет и ядро з хторого шейсц роки познєйше настал Универзитет у Новим Садзе.
З нагоди рочнїци орґанизовани Медзинародни интердисциплинарни сход младих науковцох дружтвених и гуманистичних наукох „Контести“, вистави фотоґрафийох, кнїжкох, та рижни преподаваня, а на шветочносци бешедовали покраїнски секретар за науку Владимир Павлов, ректор Универзитету у Новим Садзе Душан Николич и деканка Филозофского факултету Ивана Живанчевич Секеруш.
На Филозофским факултету ше дотераз вишколовали вецей як 20 000 фаховци з филолоґийних наукох, историї, психолоґиї, педаґоґиї, филозофиї, социолоґиї, комуниколоґиї, новинарства. У рамикох Филозофского факултету роби и Одсек за русинистику.
На трох уровньох студийох – основних, мастер и докторских, Факултет ма 45 акредитовани студийни програми.